پی ٹی آئی دور کے معاون خصوصی شہزاد اکبر کو اشتہاری قرار دے دیا گیا

اسلام آباد (نمائندہ نوائے وقت ) پاکستان تحریک انصاف (پی ٹی آئی) دور حکومت کے معاون خصوصی مرزا شہزاد اکبر کو اشتہاری قرار دے دیا گیا۔ مرزا شہزاد اکبر کو سول جج احمد شہزاد گوندل کی عدالت نے اشتہاری قرار دیا۔ سابق معاون خصوصی مرزا شہزاد اکبر کے خلاف اسلام آباد کے تھانا سیکرٹریٹ میں مقدمہ درج ہے۔ شہزاد اکبر کے خلاف مقدمہ نمبر 156 فراڈ اور دیگر سنگین دفعات کے تحت درج کیا گیا تھا۔