انگلینڈ نے اپنا جنگی بیڑا خلیج فارس کی جانب روانہ کر دیا 

 لندن (آئی این پی ) انگلینڈ نے خلیج فارس اور بحر ہند کی طرف علاقائی سلامتی کو مضبوط بنانے میں مدد کرنے کے مقصد سے رائل نیوی کا "ڈائمنڈ" جنگی بیڑا روانہ کر دیا ۔ لندن نے اعلان کیا کہ یہ جنگی بیڑا، برے اور دشمن عناصر کی طرف سے کشیدگی میں اضافے کی کوشش کو ناکام بنائے گا جو میری ٹائم سکیورٹی میں خلل ڈالنا چاہتے ہیں۔ فلسطینی مزاحمت کے ساتھ جنگ میں صیہونی حکومت کی حمایت کی وجہ سے امریکہ نے اپنے دو طیارہ بردار بحری بیڑے بحیرہ روم اور مقبوضہ فلسطین کے قریب تعینات کر دیئے ہیں۔ برطانیہ کے پاس اس وقت خطے میں لنکاسٹر فریگیٹ، تین بارودی سرنگیں اور ایک رائل نیوی کے امدادی بیڑے اور جہاز موجود ہیں۔