فیروز والہ : ٹریفک حادثات‘4افراد ہلاک ‘6زخمی 

 فیروزوالہ( نامہ نگار) کوٹ عبدالمالک کے قریب تیز رفتار ٹرک نے موٹر سائیکل سوار کو ٹکر مار دی جس کے نتیجہ میں فیکٹری ملازم نوجوان اعتراز حسین ہلاک ہو گیا ۔ ڈرائیور ٹرک سمیت فرار ہو گیا ۔ متوفی اچھرہ لاہور کا رہنے والا تھا۔ ٹول پلازہ منڈیالی کے قریب تیر رفتار ٹریکٹر ٹرالی نے سڑک عبور کرتے نوجوان کو ٹکر مار دی ‘ اللہ دتہ ہلاک ہو گیا۔متوفی میاں کالونی شاہدرہ کا رہنے والا تھا۔لاہور روڈ پر دو تیز رفتار موٹر سائیکلیں آپس میں ٹکرا گئیں ‘ نوجوان راشد ہلاک جبکہ میاں بیوی زخمی ہو گئے۔ راوی پل کے قریب تیز رفتار رکشہ موٹر سائیکل سے ٹکرا گیا ‘ نوجوان اسامہ ہلاک جبکہ اس کا ساتھی زخمی ہو گیا ۔کالا خطالی روڈ پر رکشہ الٹ جانے سے تین افراد زخمی ہو گئے۔