پیپلز پارٹی پسے ہوئے طبقات کی نمائندگی کرتی ہے:امتیاز صفدر وڑائچ

گوجرانوالہ (نمائندہ خصوصی) سابق وفاقی وزیر مواصلات چوہدری امتیاز صفدر وڑائچ نے کہا ہے کہ پیپلز پارٹی پسے ہوئے طبقات کی نمائندگی کرتی ہے، غریب کی اہمیت اجاگر کرنے میں شہید ذوالفقار علی بھٹو نے جو کردار ادا کیا تا قیامت یاد رکھا جائے گا،آج سے چھپن سال قبل روٹی کپڑا اور مکان کا نعرہ لگانے والی پارٹی آج بھی اپنے مشن کی تکمیل کے لئے کوشاں ہیں ،غریب کی بات کرنے والے بلاول بھٹو زرداری انتخابات میں جیت کر اپنے نانا کا مشن پورا کریں گے، الیکشن کمیشن سے مطالبہ ہے کہ لیول پلئینگ فیلڈ مہیا کرے ،انتخابات کی شفافیت کے لئے پر زور اقدامات کئے جائیں، ان خیالات کا اظہار انہوں نے سیشن کورٹ میں پیپلز لائرز فورم کے زیر اہتمام پیپلز پارٹی کے یوم تاسیس پر کیک کاٹنے کی تقریب سے خطاب کرتے ہوئے کیا۔