گوجرانوالہ (نمائندہ خصوصی )جماعت اسلامی کے رہنما امیدوار قومی اسمبلی حلقہ78حافظ حمید الدین اعوان نے گورنر ہاوس لاہور میں بیرسٹر نبیل احمد اعوان سے ان کے آفس میں ملاقات کی اور شہر کے اہم مسائل پر بات چیت کی،اس موقع پر صدر واپڈا ٹائون ہاوسنگ سوسائٹی میاں ثاقب غفور نے کہا کہ واپڈا ٹاون ہائوسنگ سوسائٹی میں راستے کا مسئلہ کافی عرصہ سے تاخیر کا شکار ہے جس کا فوری حل وقت کی اشد ضرورت ہے ، جبکہ قلعہ دیدار سنگھ میں روڈ کی تعمیر کے رک جانے پر خالد محمود چہل صدر سٹی ہاوسنگ سوسائٹی نے نبیل اعوان کو عوام کی تشویش سے آگاہ کیا، بیرسٹر نبیل نے فوری طور پر اعلیٰ افسران سے رابطہ کیا اور مسائل کے حل پر زور دیا۔