چلاس میں بس پر نامعلوم افراد کی فائرنگ کے نتیجے میں 8 افراد جاں بحق ہوگئے۔ چلاس کے علاقے دیامرہڈور موڑ کے قریب بس پر نامعلوم افراد نے فائرنگ کی جس کے نتیجے میں 8 افراد جاں بحق ہوگئے۔پولیس کا کہنا ہے کہ فائرنگ سے خواتین اور بچوں سمیت 26 افراد زخمی ہوئے ہیں. جنہیں فوری طبی امداد کے لیے اسپتال منتقل کردیا گیا ہے۔پولیس کے مطابق فائرنگ کے بعد بس بے قابو ہوکر ٹرک سے ٹکرائی .جس کے باعث بس میں آگ بھڑک اٹھی. بس ضلع غذر سے راولپنڈی جارہی تھی۔
پولیس کا بتانا ہے کہ آگ لگنے کے سے ٹرک کا ڈرائیور بھی جھلس کر جاں بحق ہوگیا۔وزیر اعلیٰ گلگت بلتستان حاجی گلبر خان نے واقعے کا نوٹس لیتے ہوئے تحقیقات کے لیے خصوصی ٹیم تشکیل دے دی ہے، انہوں نے آئی جی گلگت بلتستان کو ملزمان کو فوری گرفتار کرنے کی ہدایت کردی۔حاجی گلبر خان نے کہا کہ دہشت گردوں کو قانون کے مطابق کٹہرے میں لائیں گے. کسی کو امن سبوتاژ کرنے کی اجازت نہیں دیں گے. ملزمان کی گرفتاری کے لیے تمام وسائل بروئے کار لائیں گے۔
