لاہور(سپورٹس رپورٹر)پاکستان کے سکواش لیجنڈ جان شیر خان پی ایس اے ہال آف فیم میں شامل ہوگئے۔ پاکستان کے سابق ورلڈ چیمپئن جان شیر کے ساتھ ملائشیا کی خاتون کھلاڑی نکول ڈیوڈ کی بھی شمولیت ہوئی ہے۔ جان شیر اور نکول ڈیوڈ پی ایس اے سکواش ہال آف فیم میں شامل ہونیوالے باالترتیب تیسرے اور چوتھے پلیئرز ہیں۔ اس سے قبل پاکستان کے جہانگیر خان اور نیوزی لینڈ کی سوسین ڈیوائے کو یہ اعزاز مل چکا ہے۔ ہال آف فیم میں شامل دونوں مرد پلیئرز کا تعلق پاکستان سے ہیں۔