ایران: ملکی ساخت کے لڑاکا طیارے”قاہر313“کی تقریب رونمائی

تہران (این این آئی) ایران میں ملکی ساخت کے لڑاکا طیارے”قاہر313“کی تقریب رونمائی کی گئی۔ ایرانی میڈیا کے مطابق قاہر313کی رونمائی کی تقریب میں صدر مملکت ڈاکٹر احمدی نژاد اور وزیردفاع بریگیڈیئر جنرل احمد وحیدی سمیت متعدد فوجی حکام شریک تھے۔ ایران کے دفاعی ماہرین نے اس سے قبل صاعقہ لڑاکا طیارہ بنایا تھا جسے ولایت فور فوجی مشقوں میں تجربہ کیا گیا۔ ایران کے وزیردفاع کے مطابق قاہر313لڑاکا طیارہ بہت نیچی سطح پر پرواز کرسکتا ہے اور دشمن کے ریڈار اسے آسانی سے سراغ نہیں لگا سکتے جبکہ اس میں الیکٹرانک کے ترقی یافتہ آلات سے بھی استفادہ کیا گیا ہے۔