گوجرانوالہ شادی میں فائرنگ کیس، انسپکٹر کے بیٹے، دولہا سمیت 4 نے گرفتاری دیدی، چھاپے کے دوران اسلحہ، سینکڑوں گولیاں برآمد

گوجرانوالہ (نمائندہ خصوصی ) پولیس انسپکٹر کے برادر نسبتی کے بیٹے کی شادی میں فائرنگ کرنیوالے مرکزی ملزم کی گرفتاری کیلئے چھاپے کے دوران گکھڑ پولیس نے ایک مکان سے اسلحہ اور سینکڑوں گولیا ں قبضے میں لے لیں جبکہ انسپکٹر کے بیٹے سمیت 4 ملزموں نے پولیس کو گرفتاریاں پیش کردیں۔ انسپکٹر طاہر فاروق چیمہ کے بیٹے اشعر چیمہ، دولہا عثمان، واجد اور خاور نے گکھڑ پولیس کو گرفتاری دی جبکہ زاہد عرف تماں بٹ تاحال فرار ہے۔