42 لاکھ روپے کے ڈاکے، مزاحمت پر لاہور، فیروز والا میں 2 افراد زخمی

لاہور  + فیروزوالا (سٹاف رپورٹر + نامہ نگار) لاہور  کے مختلف علاقوں میں 42 لاکھ روپے کے ڈاکے، مزاحمت  پر ایک شخص زخمی ہو گیا۔ اچھرہ دھوبیاں سٹریٹ میں محمود اور ندیم دکان پر موجود تھے  ڈاکوئوں نے مزاحمت پر فائرنگ کر کے ندیم کو زخمی کردیا اور 33 ہزارکی نقدی و موبائل چھین کر فرار ہو گئے۔ ہربنس پو رہ کے علاقہ میں یوٹیلٹی سٹور سے ڈاکو 35 ہزار ، نواب ٹائون آر بلاک جوہر ٹائون میں نعیم کے ریسٹورنٹ سے 75ہزارکی نقدی وقیمتی سامان لوٹ کر لے گئے۔ نواں کوٹ سبزہ زار سکیم میں اظہار کے گھر سے چوروں نے 17لاکھ روپے  کی نقدی و زیوارت، جنوبی چھائونی کے علاقہ میں عالم کے گھرسے 9 لاکھ روپے  کی نقدی و زیورات اور مغل پورہ ورکشاپ روڈ پر واقع کاظم کے دفتر سے 10لاکھ کی نقدی وقیمتی سامان چوری کرلیا چوہنگ کے علاقہ میں تنویر سے ڈاکو چار لاکھ روپے نقدی و موبائل ،راوی روڈ بتی چوک میں وسیم اور فیملی سے 40 ہزار روپے نقدی و موبائل، اسلام پورہ آؤٹ فال روڈ پر شفاقت سے 35 ہزار روپے و موبائل ،لوئر مال خواجہ شریف والی گلی میں شبیر سے 30 ہزارنقدی و موٹرسائیکل، گرین ٹاون کے علاقہ میں رانا صغیر احمد کی موٹر سائیکل گھر سے چور لیکر فرار ہو گئے گوالمنڈی لاہور ہوٹل کی پارکنگ سے علی کی موٹرسائیکل اور نقدی چھین لی گئی جبکہ شاہدرہ میں عابد، نشتر کالونی میں ساجد ،اسلام پورہ میں ارشد ،شاد باغ میں عدنان ،نواں کوٹ میں نبیل ،مسلم ٹائون میں ماجد ،ٹائون شپ میں اعجاز ،سبز ہ زار میں اسلام دین ، کا ہنہ میں محمود ، باٹا پور سے امتیاز ،ڈیفنس بی میں فاروق ، فیکٹری ایریا میں ابرار ،قلعہ گجر سنگھ میں طارق ،مغل پورہ میں سلمان، مزنگ میں زوہیب، شادمان میں حسن کی موٹر سائیکلیں اور مصطفی ٹائون میں بشیر کی گاڑی چوری کر لی گئی۔ شاہدرہ اور جی ٹی روڈ پر ڈاکوئوں نے کئی افراد کو لوٹ لیا،  تین کاریں چوری ہو گئیں۔  ڈاکوئوں نے مزاحمت پر دکاندار  کو زخمی کردیا۔ نامعلوم افراد نے ذوالفقار، محمد اعظم اور سہیل  رضا کی کاریں چوری  کر لیں۔ ڈاکوئوں نے میڈیکل  سٹور کے مالک لطیف کو مزاحمت  کرنے پر زخمی کردیا۔ ڈاکوئوں نے مریدکے میں اعجاز احمد اور  وسیم احمد  کو روک کر لوٹ  لیا۔ وقاص  سے نقدی اور علی رضا سے لیپ ٹاپ، موبائل اور نقدی چھین کر لے گئے۔