ایل ڈبلیو ایم سی کی شادباغ میں آگاہی مہم

لاہور(خبر نگار)لاہور ویسٹ مینجمنٹ کمپنی (ایل ڈبلیوایم سی) کے زیراہتمام شاد باغ میں صفائی آگاہی مہم کا انعقاد کیا گیا جس کا مقصد اہل علاقہ کو سالڈ ویسٹ مینجمنٹ سسٹم پر معلومات دینا اور شہر میں مجموعی طور پر صفائی ستھرائی برقرار رکھنے میں عام شہری کے کردار کی ضرورت پر شعور بیدار کرنا تھا۔ مہم آگاہی واک، کیمپوں کے قیام، بریفنگ، پمفلٹس و ویسٹ بیگز کی تقسیم اور کلین اپ آپریشن پر مشتمل تھی۔ مہم کے شرکا میں سربراہ کمیونیکیشن ڈیپارٹمنٹ جمیل خاور،ڈپٹی منیجرز شفقت رسول، محمد عمیر خان،اسسٹنٹ منیجر رحمان راشد شامل تھے ۔