بورے والا (نمائندہ نوائے وقت )سٹیڈیم روڈ پر دو طلباء گروپوں میں تصادم کے دوران فائرنگ سے چار طلباء شدید زخمی ہو گئے۔ ایم ایس ایف طلباء تنظیم سے تعلق رکھنے والے راشد ڈو گر‘ ارباز چوہان ، حسن اور امداد حسین کسی کام کے سلسلہ میں سٹیڈیم روڈ کے پاس سے گزر رہے تھے کہ وہاں پہلے سے موجود ایم ایس ایم طلباء ہی سے تعلق رکھنے والے رائو فرحان اور اس کے ساتھی جو کہ پہلے سے گھات لگائے بیٹھے تھے۔ انہوں نے فائرنگ کر دی جس سے چاروں طا لب علم شدید زخمی ہو گئے جنہیں تحصیل ہیڈ کوارٹر ہسپتال منتقل کر دیا گیا جہاں تشویشناک حالت میں حسن اور راشد ڈوگر کو ملتان ریفر کر دیا گیا واضح رہے کہ عرصہ دراز سے چل رہی طلباء تنظیموں کے دوران اس خو نی کشیدگی کی وجہ سے آ ج تک کئی طلباء اور راہ گیر زخمی ہو چکے ہیں۔