لاہور (نمائندہ خصوصی) شہر میں متعدد وارداتوں میں شہری لاکھوں روپے مالیت کی نقدی زیورات اور دیگر قیمتی اشیا سے محروم ہوگئے۔ تفصیلات کے مطابق نواب ٹاؤن کے علاقہ میں یوسف کے گھر سے ڈاکوؤں فیملی کو یرغمال بنا کر 3 لاکھ 65 ہزار کی نقد ی اور طلائی زیورات، موبا ئل فون لوٹ کر فرار ہوگئے۔ جبکہ ڈیفنس بی کے علاقہ میں جاوید کے گھر میں اس کی فیملی سے 3 لاکھ 10 ہزار کی نقد ی اور طلائی زیورات لوٹ کر فرار ہوگئے۔ مسلم ٹاؤن کے علاقے میںشمیم کے گھر سے دو ڈاکو فیملی کو یرغمال بنا کر 2 لاکھ 70 ہزار کی نقدی اور قیمتی سامان لوٹ کر فرار ہوگئے۔ جبکہ کوٹ لکھپت کے علاقہ میں عرفان کے گھر میں اس کی فیملی سے 2 لاکھ 15 ہزار کی نقدی اور طلائی زیورات لوٹ کر فرار ہوگئے۔ جبکہ ڈیفنس بی، بادامی باغ اور کاہنہ میں گاڑیاں اور جوہرٹاؤن، وحدت کالونی، شفیق آباد اور فیکٹری ایریا میں موٹرسائیکلیں چوری کر لی گئیں۔