ملتان(سپورٹس ڈیسک) پاکستان اور جنوبی افریقا کے درمیان ٹی ٹوئنٹی سیریز کیلئے سکیورٹی انتظامات کو حتمی شکل دیدی گئی۔ مہمان ٹیم کمرشل فلائٹ سے کل صبح دس بجے علامہ اقبال ائرپورٹ پہنچے گی، جسکے بعد اسکو مال روڈ پر واقع ہوٹل میں پہنچایا جائیگا، جن کوویڈ ٹیسٹنگ کا مرحلہ بھی ہوگا۔ٹیموں کوکوویڈ پروٹوکولز اورسخت سکیورٹی میں ہوٹل سے قذافی اسٹیڈیم ٹریننگ اور میچز کیلئے لایا لیجایا جائے گا۔ پلان کے مطابق پانچ فروری سے پاکستان اورجنوبی افریقہ کے کھلاڑی مختلف اوقات میں ٹریننگ کرسکیں گے، چار فروری سے قذافی اسٹیڈیم کے ارد گرد موجود  ریسٹورنٹ اور دکانوں کو بند کردیاجائیگا۔پاکستانی کھلاڑی بھی کل سے بائیو ببل کا حصہ بن جائیں گے۔