لاہور(سپورٹس رپورٹر)انٹرنیشنل کرکٹ کونسل ٹی ٹونٹی انٹرنیشنل پلیئرز رینکنگ میں قومی کرکٹ ٹیم کے کپتان بابر اعظم پہلی پوزیشن پر برقرار ہیں۔آئی سی سی پلیئرز کی رینکنگ میں پاکستان ٹیم کے وکٹ کیپر بیٹر محمد رضوان دوسرے نمبر پر ہیں۔ بیٹرز میں جنوبی افریقہ کے ایڈن مارکرم تیسرے اور بھارت کے لوکیش راہول چوتھے نمبر پر آگئے ہیں۔بائولرز کی رینکنگ میں سری لنکا کے وانندو ہسارنگا پہلے نمبر پر برقرار ہیں جبکہ جنوبی افریقہ کے تبریز شمسی دوسرے اور انگلینڈ کے عادل رشید تیسرے نمبر پر ہیں۔ قومی ٹیم کے شاداب خان نویں اور شاہین آفریدی 11ویں نمبر پر ہیں۔ویسٹ انڈیز کے عقیل حسین کی رینکنگ میں 10 درجے بہتری ہوئی ہے، وہ 18 ویں نمبر پر آگئے ہیں جبکہ انگلینڈ کے کرس جارڈن کی رینکنگ میں 4 درجے تنزلی ہوئی ہے اور 19 ویں نمبر پر چلے گئے ہیں۔آل رائونڈرز کی رینکنگ میں افغانستان کے محمد نبی پہلے نمبر پر ہیں جبکہ بنگلادیش کے شکیب الحسن دوسرے اور انگلینڈ کے معین علی 2 درجے ترقی کے بعد تیسرے نمبر پرآگئے ہیں۔