سیالکوٹ: سری لنکن شہری پریانتھا کمارا کے قتل میں ملوث مزید 2 ملزم گرفتار

سیالکوٹ+گوجرانوالہ (نمائندہ خصوصی) سیالکوٹ پولیس نے سری لنکن منیجر پریانتھا کمارا کے قتل میں ملوث مزید دو ملزموں کو گرفتار کر لیا ہے۔ گرفتار ہونے والے ملزمان میں حمزہ اور علی حیدر شامل ہیں۔ دونوں ملزمان کو انسداد دہشتگردی عدالت میں پیش کر دیا گیا ہے۔ خصوصی عدالت کی جج نتاشا نسیم سپرا نے ملزمان کا 12 روزہ جسمانی ریمانڈ جاری کر دیا ہے۔ ملزمان کو 14 فروری کو دوبارہ عدالت پیش کرنے کا حکم دیا ہے۔ پولیس ملزمان کو سخت سکیورٹی میں لیکر عدالت پہنچی۔ سانحہ سیالکوٹ میں ملوث مرکزی ملزمان کی تعداد 87 ہو چکی ہے۔
کمارا قتل/ 2 گرفتار