کراچی (آئی این پی) پاکستان کرکٹ ٹیم کے سابق کپتان سلمان بٹ نے پاکستان سپر لیگ کی ٹیم کوئٹہ گلیڈی ایٹرز کے کپتان سرفراز احمد پر تنقید کی ہے۔اپنے تبصرے میں سلمان بٹ نے کہا کہ سرفراز جو بھی کر رہے ہیں اس سے ان کی اچھی امیج نہیں بن رہی۔سلمان بٹ نے مزید کہا کہ سرفراز احمد بات نہیں کرتے وہ چیختے ہیں، سرفراز  احمد کھلاڑیوں سے مشورہ نہیں کرتے حکم  چلاتے ہیں۔سابق کپتان سلمان بٹ کی جانب سے تنقید پر کوئٹہ گلیڈی ایٹرز کے کپتان سرفراز احمد نے سخت ردعمل کا اظہار کیا ہے۔سرفراز احمد نے اپنی ٹوئٹ میں سلمان بٹ کا نام لیے بغیر  کہا کہ پاکستان کو آن ڈیوٹی بیچنے والافکسر جب نیت پر بھاشن دے گا تو پھر اللہ ہی حافظ ہے۔