بلوچستان یونیورسٹی آف انجینئرنگ اینڈ ٹیکنالوجی خضدار میں ڈیجیٹل اسکیلز کے ٹریننگ پروگرام کا افتتاح 

خضدار( نامہ نگار) گورنمنٹ پاکستان نے جنوبی بلوچستان کے طلباء کو ہنر مند بنانے کیلئے ورچوائل یونیورسٹی کے اشتراک سے بلوچستان یونیورسٹی آف انجینئرنگ اینڈ ٹیکنالوجی خضدار میں ڈیجیٹل اسکیلز کے ٹریننگ پروگرام کا افتتاح کرکے کلاسز کا آغاز کردیا ہے۔ڈیجیٹل اسکیلز پروگرام کے تحت جنوبی بلوچستان کے طلباء کو ہنر مند بنا کر بلوچستان کے مختلف کمپیوٹر ٹیکنالوجی شعبہ جات میں روزگار کی فراہمی میں مدد مہیا کرے گا۔خضدار کے طلباء کیلئے باقاعدہ کلاسز کا آغاز ہوچکا ہے اور ورچوائل یونیورسٹی کے اساتذہ کے زیر نگرانی میں طلباء کو ٹریننگ دی جارہی ہے۔ڈاکٹر جلال شاہ نے افتتاحی تقریب سے خطاب کرتے ہوئے کہا کہ اس پروگرام کے تحت بلوچستان کے نوجوانوں کو ٹریننگ دیکر روزگار کے قابل بنایا جائیگا جس سے انہیں انفارمیشن ٹیکنالوجی کے مختلف شعبہ جات میں روزگار فراہم ہوگی اورطلباء کو ٹریننگ کیساتھ ماہانہ وظیفہ بھی مہیا کی جائیگی۔