آئر لینڈسے ترسیلات زر 5.7 فیصد بڑھ گئیں

اسلام آباد (اے پی پی)آئر لینڈمیں کام کرنے والے پاکستانیوں کی ترسیلات زرمیں جاری مالی سال کی پہلی ششماہی میں گزشتہ مالی سال کی اسی مدت کے مقابلہ میں 5.7 فیصد کی نموریکارڈکی گئی ہے۔سٹیٹ بنک کی جانب سے اس حوالہ سے جاری کردہ اعدادوشمارکے  مطابق جاری مالی سال کی پہلی ششماہی میں آئیرلینڈمیں کام کرنے والے پاکستانیوں نے 82.5 ملین ڈالرکازرمبادلہ ملک ارسال کیا جو گزشتہ مالی سال کی اسی مدت کے مقابلہ میں 5.7 فیصدزیادہ ہے، گزشتہ مالی سال کی اسی مدت میں آئرلینڈمیں کام کرنے والے پاکستانیوں نے 78 ملین ڈالرکازرمبادلہ ملک ارسال کیاتھا۔