اوستہ محمد (این این آئی)اوستہ محمد کے سیاسی سماجی شخصیت پیارا خان نوتکانی عمرانی نے کہاہے کہ اوستہ محمد کوضلع کا درجہ ملنے کے باوجود دیگر بنیادی سہولیات کی طرح گیس بھی شہر میں ناپید ہو چکی ہے اس وقت حسین آباد محلہ فردوس کالونی سلیم کالونی قربان کالونی سمیت شہر میں گیس نا پید ہو چکی ہے ۔ یہ بات انہوں نے پریس کانفرنس کرتے ہوئے کہی۔ انہوں نے کہا کہ گیس نہ ہونے کے وجہ سے شہری سخت پریشانی میں مبتلا ہو چکے ہیں۔ انہوں نے مزید کہا کہ کہا اگر گیس کے بالا حکام نے فوری طور پر اوستہ محمد گیس پریشر کا مسئلہ حل نہیں کیا تو ہم سوئی گیس اوستہ محمد کے خلاف احتجاج کرنے پر مجبور ہو جائیں گے۔