کوہاٹ (نوائے وقت رپورٹ) کوہاٹ میں ٹریفک حادثے میں تین خواتین، دو بچوں سمیت 17 افراد جاں بحق ہو گئے ہیں۔ انڈس ہائی وے پر ٹنل کے قریب مسافرو ین اور ٹریلر میں ٹکر ہو گئی۔ جاں بحق افراد میں خواتین اور بچے بھی شامل ہیں۔ ٹنل کے قریب تیز رفتار ٹریلر مسافر کوچ پر چڑھ گیا۔ حادثہ تیز رفتاری کے باعث پیش آیا۔ حادثے میں بارہ مسافر موقع پر دم توڑ گئے۔ 6 زخمیوں کو ہسپتال منتقل کیا گیا جن میں سے 5 زخمی دوران علاج چل بسے۔ حادثے کی اطلاع ملتے ہی ریسکیو ٹیموں نے موقع پر پہنچ کر امدادی کارروائیاں شروع کر دیں۔ جاں بحق افراد کی لاشوں اور زخمیوں کو ڈی ایچ کیو ہسپتال منتقل کر دیا گیا۔ وزیر  خارجہ بلاول بھٹو زرداری نے کوہاٹ حادثے میں قیمتی جانوں کے ضیاع پر اظہار افسوس کیا ہے۔ بلاول بھٹو زرداری نے متاثرہ خاندانوں سے دلی تعزیت اور ہمدردی کا اظہار کیا۔
کوہاٹ حادثہ