اسلام پورہ ایجنسی سے کنکریٹ کا کام آئندہ ہفتہ شروع ہوجائیگا :حافظ قدیر

قلعہ دیدارسنگھ(نمائندہ خصوصی) امیدوار پی پی 54عاطف منیر دوگل کی خصوصی دعوت پرایکسین ہائی وے ڈیپارٹمنٹ حافظ قدیر علی ملک،ایس ڈی او جنید اکرم،سب انجینئر حمزہ،چیف آرای نیسپاک منوہر لعل اور روڈ کنٹریکٹر اپنی پوری ٹیم کے ہمراہ ڈیرہ پر آئے شہریوں کی موجودگی میں عاطف منیر دوگل نے روڈ کے متعلق مسائل بارے آگاہ کیا رورل ہیلتھ سنٹر، گورنمنٹ ڈگری کالج،اسلامیہ گرلز ہائی سکول،سمیت مین شاہرائوں کا کنکشن مین سیوریج لائن کیساتھ کرنے کی گزارش کی جس پر ایکسئن ہائی وے نے ٹھیکیدار سمیت تمام عملہ کو موقع پر حکم جاری کردیا۔علاوہ ازیں شہریوں کا مطالبہ تھا کہ اندرون شہر جلد کنکریٹ کا کام شروع کیا جائے جس پر ان کا کہنا تھا کہ آئندہ ہفتہ اسلام پورہ ایجنسی سے کنکریٹ کا کام بھی شروع کردیا جائے گا اس موقع پر شہریوں نے ایکسئن ہائی وے اور عاطف منیر دوگل کا شکریہ ادا کیا جس پر عاطف منیر دوگل کا کہنا تھا کہ قصبہ کی خدمت کیلئے دن رات حاضر ہوں ، اپنے علاقے کے مسائل پر ہمیشہ آواز اٹھاتا رہوں گا۔