لاہور (سپورٹس رپورٹر) جناح پولو فیلڈز کے زیراہتمام تیسرا علامہ اقبال پولو ٹورنامنٹ دو اہم میچز کھیلے گئے جس کے بعد پلاٹینم ہومز /ماسٹر پینٹس اور ایف جی /دین پولو نے سیمی فائنلزکیلئے کوالیفائی کرلیا۔ گزشتہ روز پول اے اور بی سے ہارنے والی چاروں ٹیمیں سب سڈری فائنل کیلئے آپس میں مدمقابل ہوئیں۔ پلاٹینم ہومز /ماسٹر پینٹس نے بی این پولو کو 7-4.5 سے ہرا کر سب سڈری فائنل کیلئے کوالیفائی کرلیا۔ دوسرے میچ میں ایف جی /دین پولو نے فور کورپس کی ٹیم کو 6-3  سے ہرا کر سب سڈری فائنل کیلئے کوالیفائی کیا۔ آج پہلا سیمی فائنل دن دو بجے جبکہ دوسرا سیمی فائنل تین بجے کھیلا جائیگا۔