اسلام آباد ماڈل کالج فار اسٹوڈنٹس ایچ نائن میں تقریری مقابلے

اسلام آباد(وقائع نگار ) اسلام آباد ماڈل کالج فار اسٹوڈنٹس ایچ نائن کی جانب سے "پاکستان کے لیئے میرا خواب" کے عنوان سے انٹر کالجیٹ تقریری مقابلے کا انعقاد کیا گیا جس میں اسلام آباد کے مختلف کالجوں کے طلبا نے شرکت کی، مہمان خصوصی معروف ماہر تعلیم پروفیسر ڈاکٹر علی احمد کھرل پرنسپل اسلام آباد کالج برائے طلبہ جی سکس تھری تھے۔ تقریری مقابلے کی ججوں میں فیڈرل گورنمنٹ کالج آف ایجوکیشن ایچ نائن کے پروفیسر روح الامین اور اسلام آباد کالج فار گرلز کی محترمہ نگہت یاسمین شامل تھیں۔ اسلام آباد ماڈل کالج برائے طالبات (پوسٹ گریجویٹ)ایف سیون ٹو کی سال دوم کی طالبہ ماہنور نیازی نے پہلی پوزیشن حاصل کی۔ اسلام آباد ماڈل بائے طلبہ ایچ نائن کے طالب علم سید محمد یاسر شاہ، اسلام آباد کالج برائے طالبات ایف سکس ٹو کی سال اول کی طالبہ حمنہ ناصر،اسلام آباد کالج برائے طلبہ جی سکس تھری کے طالب علم منصور افضل نے دوسری اور تیسری پوزیشن حاصل کیں۔ پوزیشن ہولڈرز کو شیلڈز دی گئیں۔