لاہور (نامہ نگار) پیپلز پارٹی آزار کشمیر کے قائدین چوہدری لطیف اکبر، صدر پاکستان پیپلز پارٹی آزاد کشمیر چوہدری محمد یاسین، سابق صدر اور وزیراعظم آزاد کشمیر صدر یعقوب خان، ممبر سینٹرل ایگزیکٹوٹ کونسل پاکستان پیپلز پارٹی چوہدری پرویز اشرف اور پیپلز پارٹی کے سینیئر رہنما چوہدری ریاض ، فیصل ممتازر اٹھور ، جاوید اقبال بڈھانوی، سردار ضیاء القمر، سردار امجد یوسف ، شوکت جاوید میر ، سید حسین کاظمی ، عباس میر ، ڈاکٹر احسن منظر ،ندیم کھوکھر ،چوھدری سجاد نذیر اور دیگر نے این اے 127 پی پی 160 کچا جیل روڈ بلاول بھٹو زرداری کے انتخابی دفتر میں خطاب کرتے ہوئے کہا ہے کہ ہم بلاول بھٹو زرداری کی انتخابی مہم کیلئے لاہور آئے ہیں کشمیریوں کے دلوں میں جو مقام پیپلز پارٹی کا ہے وہ اور کسی پارٹی کا نہیں ہے، پیپلز پارٹی نے ہمیشہ کشمیریوں کیلئے آواز بلند کی ہے‘ انشاء اللہ اس حلقے سے بلاول جیتں گے اور اس حلقے کو ماڈل حلقہ بنائیں گے۔ اس موقع پر پی پی 160سے پیپلز پارٹی کے امیدوار میاں مصباح الرحمن بھی موجود تھے۔