فیصل آباد (نمائندہ خصوصی) مختلف علاقوں سے جواں سال لڑکی سمیت تین افراد کو اغوا کر لیا گیا۔ علاقہ علامہ اقبال کالونی سے قیصر وغیرہ تین ملزمان قمر عباس کی جواں سال بہن اور تھانہ ٹھیکریوالہ کے علاقہ 74 ج ب سے ندیم وغیرہ چھ ملزمان اشرف کی بیوی کو دن دیہاڑے اسلحہ کے زور پر اغوا کر کے لے گئے۔ جبکہ تھانہ ترکھانی کے علاقہ 221 گ ب سے اشرف کے جوان بیٹے ناصر کو نامعلوم ملزمان نے اغوا کر لیا۔ پولیس نے مقدمات درج کر کے ملزمان کی تلاش شروع کر دی ہے۔