فیصل آباد (نمائندہ خصوصی) پولیس نے مختلف کارروائیوں کے دوران ڈکیتی کی نیت سے کھڑے پانچ ڈاکوئوں کو حراست میں لے لیا جبکہ ایک فرار ہو گیا۔ تھانہ ملت ٹاؤن پولیس نے دوران گشت خفیہ اطلاع ملنے پر بھائی والا روڈ پر چھاپہ مار کر ڈکیتی کی نیت سے کھڑے دو ڈاکوئوں کو اسلحہ سمیت گرفتار کر لیا جبکہ ان کا ساتھی فرار ہونے میں کامیاب ہو گیا۔ تھانہ ٹھیکریوالہ پولیس نے  276 ج ب ڈنڈیوال کے قریب چھاپہ مار کر سلیم اور نادر علی وغیرہ تین ڈاکوؤں کو اسلحہ سمیت حراست میں لے لیا۔ پولیس نے مقدمات درج کر کے ملزمان سے تفتیش شروع کر دی ہے۔