لاہور(خصوصی نامہ نگار) معروف روحانی رہنما و صوفی دانشور حضرت واصف علی واصف ؒ کا 32 واں سالانہ عرس آج سے شروع ہو رہا ہے۔ عرس کا آغاز ان کے مزار واقع میانی صاحب بہاولپور روڈ پررسم چادر پوشی سے ہوگا۔ سابق صوبائی وزیر سردار نصراللہ خان دریشک مقامی اور دوسرے شہر وں  سے آئے عقیدت مندوں کی ایک کثیر تعداد کے ہمراہ یہ رسم ادا کریں گے۔اس موقع پر اس روحانی رہنما کو بھرپور اظہار عقیدت پیش کیا جائے گا۔ملک و ملت کو درپیش چیلنجوں سے عہدہ برا ہونے کیلئے خصوںصی دعائیں کی جائیں گی۔ بعد از نماز عشاء محفل سماع کا انتظام کیا گیا ہے۔