سنجوال کینٹ ( نامہ نگار ) عوام کا مشکور ہوں جنہو ں نے مجھے ہر جگہ پر عزت دی منتخب ہو کر اپنے حلقہ کی عوام کی بے لوث خدمت کروں گا حلقہ پی پی 3با شعور ہے وہ آزمائے ہوئے لوگوں کو دوبارہ نہیں آزما ئے گی جو وعدہ کروں گا اس کو پورا کروں گا حمایت کرنے والو ں کو کبھی مایوس نہیں کروں گا ان خیالات کا اظہار آزاد امیدوار حلقہ پی پی 3سردار رحمت علی خان نے شکردرہ میں جلسہ عام سے خطاب کرتے ہوئے کیا ہے جلسہ سے مولانا عثمان علی خان ،مولانا فیصل ،وقار احمد عوان،رائیس خان،شمس الرحمن ،طاہر الرحمن نے بھی خطاب کیا سردار رحمت علی خان نے کہا کہ انشا اللہ حلقہ کی عوام کے تعاون سے کامیاب ہوں گا اور بلا تفریق اپنے حلقہ کی عوام کی خدمت کروں گاہم نے ہمیشہ شرافت کی سیاست کی ہے عوام کے درینہ مسائل کے حل کے لیے جد جہد کروں گا میرے دروازے عوام کے لیے کھلے ہیں جو وعدہ کروں گا وہ پورا کروں گا جھوٹے وعدے نہیں کرو ں گا اور نہ ہی عوام کو سبز باغ دیکھاوں گا ۔