سجاول(نامہ نگار)ضلع سجاول پولیس کی منشیات فروشوں کے خلاف کامیاب کاروائیاں جاری ہیں۔بین اضلاعی منشیات سپلائر گروہ کے دو کارندے ٹرک سمیت گرفتار، بڑی مقدار میں چرس برآمد، مقامی سہولت کار فرار ہونے میں کامیاب۔تفصیلات کے مطابق انچارج ایس ایچ او دڑو، اختر حسین لاشاری کی مخفی اطلاع پہ دڑو،  ابڑال روڈ پابڑا اسٹاپ کے قریب ناکہ بندی کے دوران کامیاب کاروائی،ٹرک نمبر JW1520 کو ملزمان خیال گل پٹھان اور جاوید پٹھان کو تحویل میں لے لیا ہے۔ٹرک کی جامع تلاشی کے دوران 3100 گرام چرس برآمد ہوئی۔گرفتار ملزمان نے دوران تفتیش انکشاف کیا کہ چرس، گٹکا و گٹکا مٹیرل دڑو کے مقامی سہولتکار لیاقت سومرو اور کراچی کے رہائشی پیر محمد عرف پیرو پٹھان کا مال مختلف اوقات میں لے کر آتا ہے ۔گرفتار ملزمان سے مزید تفتیش جاری ہے۔گرفتار اور دیگر سہولت کاروں کے خلاف تھانہ دڑو پر منشات ایکٹ کے تحت مقدمہ درج کر لیا گیا۔دوسری جانب ایس ایچ او بنوں اختر حسین لاشاری کی دوران گشت بنوں، دڑو روڈ کے قریب جھاریوں سے منشیات فروش ملزم عبدالستار عرف بصر مگنھار کو 10 لیٹر دیسی شرآب ٹھرو سمیت گرفتار کرکے مقدمہ درج کرلیا ہے۔