جھڈو میں وٹرنری افسر  لٹ گیا 

جھڈو (نامہ نگار) جھڈو کے نواحی علاقے حیات خاصخیلی میں مسلح افراد کی وٹرنری آفیسر سے دن دیھاڑے ڈکیتی کی واردات, وٹرنری آفیسر ڈاکٹر رؤف راجپوت سے ڈیوٹی کے دوران موٹر سائیکل پر آفیشل وزٹ پر جاتے ہوئے ضلع بدین کے علاقے حیات خاصخیلی پولیس کی حد نصیر واہ کی پٹری پر ڈکیتی کی واردات ایک موٹر سائیکل پر سوار تین نامعلوم مسلح افراد نے ان کو روکا اور پسٹل دکھا کر ان سے 15 ہزار سے زائد نقد رقم, قیمتی موبائل فون اور موٹر سائیکل چھین کر فرار ہوگئے اطلاع ملنے پر حیات خاصخیلی پولیس پوسٹ انچارج محمد خالق پولیس نفری کے ہمراہ موقع پر پہنچ گئے اور جائے واردات کا معائنہ کیا اور متاثرہ میڈیکل آفیسر سے واردات کے متعلق مکمل معلومات حاصل کیں اور تفتیش کا آغاز کردیا مگر چار روز گزر جانے کے بعد بھی حیات خاصخیلی پولیس ڈکیتوں کا سراغ لگانے میں تاحال ناکام ہے.۔