ہاکی کو بحال کرنے کیلئے بچوں کو ترغیب  ‘ سینٹرز بنانا ہونگے: شہباز سینئر

لاہور(سپورٹس رپورٹر)ہاکی کے سابق کپتان شہباز سینئر کا کہنا ہے کہ ہاکی کو پھر سے بحال کرنے کیلئے بچوں کو ترغیب دینا ہوگی اور ہاکی سنٹرز بنانا ہوں گے۔ ہمارے ملک کے نوجوانوں میں ہاکی مقبول نہیں رہی اور متعلقہ حکام کی عدم توجہی کی وجہ سے مسلسل زوال کا شکار ہے۔ پاکستان کو دْنیا میں ہاکی کے میدان میں اپنا نام اور مقام دوبارہ حاصل کرنے کی ضرورت ہے۔ہاکی ہمارا قومی کھیل ہے مگر یہ کبھی بجٹ کا حاصل نہیں بنا، سپورٹس بورڈ نے اپنا موثر کردار ادا نہیں کیا۔ پاکستان میں ہر شعبے کی طرح ہاکی بھی سیاست کا شکار ہوئی ہے۔ اگر ہاکی کو بحال کرنا ہے تو بچوں کو ترغیب دینا ہو گی اور ہاکی سنٹرز بنانا ہوں گے۔