لاہور(سپورٹس رپورٹر) کرسٹیانو رونالڈو کی النصر نے لیونل میسی کی انٹرمیامی کو یکطرفہ مقابلے کے بعد 0-6 سے شکست دیدی۔ریاض میں کھیلے گئے دوستانہ میچ میں النصر کے سٹرئیکر کرسٹیانو رونالڈو انجری جبکہ لیونل میسی نے شرکت نہیں کی تاہم دونوں سٹار پلئیرز اپنی ٹیم کا میچ دیکھنے کیلئے سٹیڈیم میں موجود تھے۔رونالڈو کی غیر موجودگی میں تلسکا نے سعودی پرو لیگ کی ٹیم النصر کیلئے انٹرمیامی کیخلاف ہیٹ ٹرک سکور کی۔میچ کے آغاز سے کچھ دیر قبل انٹرمیامی کی ٹیم نے بتایا کہ دونوں ٹیموں کے مابین کھیلے جارہے میچ میں ارجنٹائن کے سٹار فٹبالر لیونل میسی بھی میچ میں شرکت نہیں کریں گے۔ انٹر میامی ہانگ کانگ اور جاپان میں دوستانہ میچز کیلئے ایشیا کا رخ بھی کریگی جو 21فروری سے شروع ہونے والے نئے سیزن کی تیاریوں کیلئے منعقد کیا گیا ہے۔