انڈر19 ورلڈ کپ ‘سیمی فائنل رسائی کیلئے پاکستان ‘بنگلہ دیش آج  مد مقابل  

 لاہور(اسپورٹس رپورٹر)جنوبی افریقہ میں جاری انڈر19کرکٹ ورلڈ کپ کے سپر سکس مرحلہ میں گروپ ون میں پاکستان اور بنگلہ دیش کی ٹیمیںآج  مد مقابل ہونگی ۔ میچ پاکستانی وقت کے مطابق دن ایک بجے شروع ہوگا۔ پاکستان کے سپر سکس مرحلہ میں 6پوائنٹس ہیں جبکہ بنگلہ دیش کے 4پوائنٹس ہیں ۔ پاکستان کا رن ریٹ 1.064جبکہ بنگلہ دیش کا 0.348ہے ۔ پاکستان جونیئر ٹیم کو سیمی فائنل میں رسائی کیلئے بنگلہ دیش سے کم از کم مقابلہ کرنا ضروری ہوگا۔ بنگلہ دیش کو ناک آئوٹ مرحلے میں رسائی کیلئے بڑے مارجن سے فتح درکا ر ہو گی۔گروپ ون میں بھارت بہتر رن ریٹ کی بدولت چھ پوائنٹس کیساتھ سب سے آگے ہے جبکہ نیپال کیخلاف میچ باقی ہے ۔ گروپ ٹو سے آسٹریلیا اور جنوبی افریقہ کی ٹیموں کے سیمی فائنل میں رسائی کے چانسز زیادہ ہیں ۔ آسٹریلیا کا ویسٹ انڈیز جبکہ جنوبی افریقہ کا سری لنکا سے مقابلہ باقی ہے ۔