لندن (سپورٹس ڈیسک) مدھر آواز والے کرکٹ کمنٹیٹر کرسٹوفر مارٹن جینکنز لندن میں انتقال کر گئے۔ کرکٹ کی دنیا انہیں سی ایم جے کے نام سے یاد رکھے گی۔ کرسٹوفر مارٹن جینکنز پچھلے سال جنوری میں کینسر کی تشخیص کے بعد بھی کرکٹ کمنٹیٹری سے دُور نہ ہوئے۔ انہوں نے 1970ءمیں اپنے کیرئیر کا آغاز بی بی سی سے کیا۔ اور اپنی شاندار کمنٹری کے ذریعہ دنیا بھر میں نام کمایا۔ وہ انگلینڈ میں ہونے والے ہر ٹیسٹ میں کمنٹری بکس میں موجود رہتے۔ انگلینڈ کے تمام موجودہ اور سابق کرکٹرز نے سی ایم جے کی وفات پر گہرے دکھ اور رنج کا اظہار کیا ہے۔