برسبین (اے پی پی) امریکہ کی شہرہ آفاق ٹینس سٹار اور سابق عالمی نمبر ایک سرینا ولیمز اور سلواکیہ کی ڈینیلاہینچوا برسبین انٹر نیشنل ٹینس ٹورنامنٹ کے کوارٹر فائنل میں پہنچ گئیں جبکہ سارہ ایرانی اور پیٹرا کویٹوا دوسرے راﺅنڈ میں اپ سیٹ شکست کے بعد ایونٹ سے باہر ہوگئیں۔ آسٹریلیا کے شہر برسبین میں جاری ایونٹ کے دوسرے راﺅنڈ میں امریکہ کی سرینا ولیمز نے فرانس کی علیز کارنٹ کو سٹریٹ سیٹس جبکہسلواکیہ کی ڈینیلا ہینچوا نے اٹلی کی سارہ ایرانی کو سٹریٹ سیٹس میں اپ سیٹ شکست دیکر ایونٹ سے باہر کردیا۔ روس کی پاﺅلیچنکوا نے جمہوریہ چیک کی سیکستھ سیڈ پیٹرا کویٹوا کو سٹریٹ سیٹس میں ہرا کا ٹورنامنٹ کے ٹاپ ایٹ کے لئے کوالیفائی کر لیا۔ گیل سیمن،کی نیشیکوری اور ماکوس بگڈاٹس کوارٹر فائنل میں پہنچ گئے۔ سپین کے ٹومی روبریڈو دوسرے راﺅنڈ میں ہار کر ٹورنامنٹ سے باہر ہوگئے۔