لاہور (خصوصی رپورٹر) یونیورسٹی آف انجینئرنگ اینڈ ٹیکنالوجی میں ہونہار طلبا وطالبات میں لیپ ٹاپ تقسیم کرنے کی تقریب سے خطاب کرتے ہوئے لیپ ٹاپ حاصل کرنے والے طالب علم احمد طلحہ ولی نے کہا کہ شہبازشریف کا تہہ دل سے شکرگزار ہوں جنہوں نے میرٹ پر مجھے لیپ ٹاپ کا تحفہ دیا۔ اب میں بھی ترقی یافتہ قوموںکے ساتھ قدم سے قدم ملا کر چل سکوں گا۔ تبدیلی کی بات کرنے والوں سے کہنا چاہتا ہوں کہ لیپ ٹاپ سفارش نہیں بلکہ صرف اور صرف میرٹ کی بنیاد پر دیئے جا رہے ہیں۔ انجینئرنگ یونیورسٹی کے وائس چانسلر جنرل (ر) محمداکرم نے وزیراعلیٰ کے تعلیمی شعبے کی بہتری کے لئے اقدامات کو سراہتے ہوئے کہاکہ لیپ ٹاپ انجینئرنگ کے طلبا کے لئے نہایت سودمند ثابت ہورہے ہیں۔