قومی کرکٹ ٹیم کے اوپننگ بلےباز ناصرجمشید نے اپنے ون ڈے کیرئیر میں تیسری سینچری بھی بھارت کیخلاف بناڈالی۔

کولکتہ کے ایڈن گارڈنز میں اوپنر ناصر جمشید نے بارہ چوکوں اوردو چھکوں کی مدد سے ایک سو چوبیس گیندوں پرشاندار ایک سو چھ رنز بنائے
ناصرجمشید نے سیریز کے پہلے میچ میں بھی روایتی حریف کیخلاف سینچری بنائی تھی۔ چنائی میں کھیلے گئےایک روزہ میچ میں ناصرجمشید نے پانچ چوکوں اور ایک چھکے کی مدد سے ناقابل شکست ایک سو ایک رنز بناکر ٹیم کی فتح میں اہم کردار اداکیاتھا۔
لیف ہینڈراوپننگ بیٹمسین ناصرجمشید نے اپنے کیرئیر کی پہلی سینچری بھی بھارت ہی کے خلاف سکور کی تھی۔ بنگلہ دیش میں ہوئے ایشیاء کپ میچ میں ناصر جمشید نے بھارت کیخلاف دس چوکوں اورایک چھکے کی مدد سے ایک سوبارہ رنز بنائے تھے۔