لاہور(خبر نگار) نیشنل ڈیفنس یونیورسٹی کی نیشنل سیکورٹی ورکشاپ کے شرکاءنے ائیر ہیڈ کوارٹر ز کا دورہ کیا ۔ جس کی قیادت میجر جنرل نوئل ۔ آئی۔ کھوکھر نے کی۔ ائیر کموڈور سلیمان عزیز، اسسٹنٹ چیف آف دی ائیر سٹاف (پلانز) نے سیکورٹی ورکشاپ کے شرکاءکو پاک فضائیہ کے تنظیمی ڈھانچے اور ذمہ داریوں کے بارے میں بتایا۔ بعد ازاں پاک فضائیہ کے سربراہ ائیر چیف مارشل طاہر رفیق بٹ سے سکیورٹی ورکشاپ کے وفد نے ملاقات کی وفد میں پارلیمنٹیرینز ، پیشہ ورانہ ماہرین اور پرنٹ اور الیکٹرانک میڈیا کے لوگ شامل تھے۔