آرمی چیف جنرل قمر جاویدباجوہ نے شمالی وزیر ستان کا دورہ کیا .آئی ایس پی آر کے مطابق آرمی چیف نے میرانشاہ میں شہداء کی یادگار پر پھول چڑھائے اور فاتحہ خوانی کی. جی او سی میرانشاہ نے آرمی چیف کو سیکورٹی صورتحال اور نقل مکانی کرنے والے افراد کی بحالی شمالی وزیر ستان ایجنسی میں سماجی ترقی کے منصوبوں پر بریفنگ دی. آرمی چیف نے پاک افغان سرحد پر نئے تعمیر شدہ فورٹس کا دورہ کیا اور پاک افغان سرحد پر لگائی گئی آہنی باڑ کا جائزہ بھی لیا .آرمی چیف نے سرحدی سیکورٹی اقدامات کے لیے کام کی رفتار اور معیار کو سراہا .کور کمانڈر لیفٹیننٹ جنرل نذیر احمد بٹ بھی آرمی چیف کے ہمراہ تھے۔