کراچی ( اسپورٹس رپورٹر) آل کراچی سجاد احمد(عرف ساجد ) یادگاری فٹبال ٹورنامنٹ کے آخری پری کوارٹر فائنل میں تنظیم اسپورٹس گذری نے چنیسر بلو کی ٹیم کو پنالٹی ککس 5-4سے شکست دیکر کوارٹر فائنل میں کھیلنے کا اعزاز حاصل کرلیا۔نیشنل فائٹر فٹبال گراونڈ ریلوے کالونی کراچی کینٹ میں جاری آل کراچی سجاد احمد(عرف ساجد ) یادگاری فٹبال ٹورنامنٹ کے آخری پری کوارٹر فائنل میں تنظیم اسپورٹس گذری نے چنیسر بلو کی ٹیم کو پنالٹی ککس 5-4سے شکست دیکر کوارٹر فائنل میں کھیلنے کا اعزاز حاصل کرلیا۔ کھیل کے پہلے ہاف میں دانیال نے20 ویں منٹ میں گول کرکے چنیسر بلو کو میچ میں1-0 کی سبقت دلوادی۔ جس کو وقفے سے قبل تنظیم اسپورٹس کی جانب سے محمد نے25 ویں منٹ میں گول اسکور کرکے مقابلہ ایک ایک گول سے برابر کردیا۔دوسرے ہاف میں کوئی بھی ٹیم گول کرنے میں کامیاب نہیں ہوسکی۔