نواب شاہ(این این آئی)سندھ کے شہر نواب شاہ میں ایک اور جوڑا غیرت کے نام پر بھینٹ چڑھ گیا، پسند کی شادی کرنے والے میاں بیوی کو قتل کر دیا گیا۔نواب شاہ پولیس کے مطابق نواب شاہ کے علاقے بلال کالونی میں میاں بیوی کو قتل کردیا گیا ہے جنہوں نے 2 سال قبل پسند کی شادی کی تھی۔نواب شاہ پولیس نے بتایاکہ سفاک ملزمان نے کلہاڑی کے وار کر کے دونوں کو قتل کیا اور باآسانی فرار ہو گئے۔پولیس نے مقتولین کی لاشیں پوسٹ مارٹم کے لیے اسپتال منتقل کر دی ہیں جبکہ ملزمان کی تلاش کے حوالے سے تحقیقات جاری ہیں۔