ملتان (سپورٹس ڈیسک)جنوبی افریقہ نے زخموں سے چور سری لنکن ٹیم کیخلاف چار کوششوں کے بعد پہلی سیریز جیتنے پر نگاہیں مرکوز کرلی ہیں۔آج سے جوہانسبرگ میں شروع ہونے والے دوسرے ٹیسٹ کیلئے سری لنکن ٹیم بھی اسی کوشش میں ہے کہ کسی طرح سیریز برابر کر کے وطن واپس جائے جہاں اسے 14جنوری سے گال میں انگلینڈ کیخلاف مالی فوائد سے لبریز دو ٹیسٹ میچوں کی سیریز کا آغاز کرنا ہے لیکن دھنن جایا ڈی سلوا کے علاوہ پیسرز کاسون راجیتھا اور لہیرو کمارا کی شرکت پر سوالیہ نشان لگا ہوا ہے جبکہ پہلے ٹیسٹ سے محروم سرنگا لکمل کی واپسی بھی یقینی نہیں۔