ڈھاکا بزنس کانکلیو ،ٹڈاپ کل  ویبی نارکا انعقاد کرے گا

کراچی(کامرس رپورٹر)ٹریڈ ڈیولپمنٹ اتھارٹی آف پاکستان(ٹڈاپ)کی جانب سے بنگلہ دیش کانکلیو میں آن لائن شرکت کیلئے رجسٹرڈ پاکستانی کمپنیوں کیلئے کل(پیر)4جنوری کو ایک ویبی نار کا انعقاد کیا جائیگا۔ڈھاکا چیمبر آف کامرس اینڈ انڈسٹری(ڈی سی سی آئی)بزنس کانکلیو 5تا7جنوری تک منعقد ہوگا جس میں پاکستانی بر آمدی کمپنیوں کو ڈی سی سی آئی کی جانب سے شرکت کی دعوت دی گئی تھی ۔پاکستان سے 50سے زائد کمپنیوں نے اس بزنس کانکلیو میں شرکت کیلئے رجسٹریشن کرائی ہے ،ٹڈاپ کے مطابق اس ویبی نار میں بنگلہ دیش میں پاکستان ہائی کمیشن، ڈھاکا چیمبر،ٹڈاپ اور وزارت تجارت بنگلہ دیش کے اہم نمائندگان کلیدی خطاب کریں گے ،ڈی سی سی آئی کی جانب سے اس بزنس کانکلیو کا انعقادورچوئل طور پر کیا جائے گاجس میں دیگر پاکستانی کمپنیاں اور ٹریڈ باڈیز بھی شریک ہوسکتی ہیں۔