میرپورخاص (بیورورپورٹ) ڈپٹی انسپکٹر آف پولیس میرپورخاص رینج زوالفقار لاڑک نے کہا ہے کہ پولیس کے مثبت اور موثر اقدامات کے بعث ریجن بھر میں امن وامان کی فضاء قائم ہے نائٹ ایئر کے موقع پر پولیس کے سخت انتظامات سے ناخوشگوار واقعات نہیں ہو ئے پولیس گشت اور چوکیوں میں اضافہ کیا گیا تھا وہ یہاں میرپورخاص پریس کلب میں نومنتخب صدر راشد سلیم نائب صدر نذیر پہنور ، جنرل سیکریٹری شوکت پہنور ، جوائنٹ سیکریٹری اظہر کریم جیلانی ، خازن عزیز خان ، سیکریٹری اطلاعات فہد سلطان چانڈیو کو کامیاب ہونے پر مبارک باد اور پھولوں کے ہار پہنانے کے بعد صحافیوں سے بات چیت کر رہے تھے انھوں نے کہا عوام کو جانی اور مالی تحفظ فراہم کرنے کے لئے شہر بھر کے اہم چوراہوں ، شاہراہوں اور پبلک مقامات پر سی سی ٹی وی کیمرے نصب کئے گئے ہیں جبکہ پولیس کے سخت حفاظتی انتظامات کے باعث میرپورخاص میں جرائم کی شرح کم ہے پولیس کی اولین ترجیح ہے کہ عوام کو مشکلات اور پریشانیوں سے بچایا جائے جس کے لئے ٹریفک قوانین پر عمل کے لئے پولیس کی جانب سے آگاہی مہم بھی جا ری ہے انھوں نے کہا کہ میرپورخاص پریس کلب کے صحافیوں نے ہمیشہ مثبت رپورٹننگ کی ہے اور پولیس کی اچھے کاموں پر حوصلہ افزائی اور کوہتایوں کی نشاندھی کی جس سے پولیس کی کارکردگی میں بہتری آئی ہے اس موقع پردیگر پولیس افسران بھی موجود تھے ۔