سیری (آن لائن) لائن آف کنٹرول کھوئی رٹہ سیکٹر پربھارتی فوج کی بلا اشتعال فائرنگ اور گولہ باری، سول آبادی کو نشانہ بنایا، پاک فوج کی بھرپور جوابی کارروائی کی۔ تفصیلات کے مطابق  کھوئی رٹہ سیکٹر کے نواحی گائوں ٹائیں، پنڈپیل، بھینسہ گالہ پر بھارتی فوج نے بلاشتعال فائرنگ اور گولہ باری کی بھارتی فوج نے سول آبادی کو نشانہ بنایا تاہم گولہ باری سے کوئی جانی و مالی نقصان نہیں ہوا پاک فوج نے بھارتی فوج کی اشتعال انگیزی کا بھرپور جواب دیتے ہوئے دشمن کی پوسٹوں کو نشانہ بنایا جس سے دشمن کی گنیں خاموش ہو گئیں۔