گکھڑمنڈی(نامہ نگار) تھانہ کینٹ پولیس نے 3منشیات فروشوں سے 1220گرام چرس اور 69لیٹر دیسی شراب برآمد کرکے شراب کشید کرنے والی چالو بٹھی کے آلات قبضہ میں لے کر گرفتار کرکے مقدمات درج کر لیے۔ پولیس تھانہ کینٹ کے سب انسپکٹر محمود الحسن نے ڈی سی کالونی مین گیٹ کے قریب سے ملزم وقاص سکنہ کوٹلی ضلع سیالکوٹ کو گرفتار کرکے اس کے قبضہ سے 1220گرام چرس برآمد کرکے، اے ایس آئی ذوالقرنین نے ملزم احسان علی سکنہ کوٹ بارے خاں کو شراب کشید کرتے ہوئے چالو بٹھی کے آلات سمیت گرفتار کرکے اس کے قبضہ سے 60لیٹر دیسی شراب اور ملزم اصغر علی سے ٹھکرکے پلی کے قریب گرفتار کرکے اس کے قبضہ سے 9لیٹر دیسی شراب برآمد کرکے الگ الگ مقدمات درج کر لیے۔