لاہور (نوائے وقت رپورٹ) قومی اسمبلی میں اپوزیشن لیڈر اور پاکستان مسلم لیگ ن کے صدر میاں محمد شہباز شریف نے کہا ہے کہ عوام کو حقیقی تبدیلی کی ضرورت ہے۔ ٹوئٹر پر محمد شہباز شریف نے لکھا کہ گویا منی بجٹ عوام پر مہنگائی کا بوجھ ڈالنے کے لیے کافی نہیں، پی ٹی آئی حکومت نے پٹرولیم مصنوعات کی قیمتوں میں بھی اضافہ کردیا۔ ان کا کہنا تھا کہ میری رائے ہے کہ پاکستان کے عوام کو عمران خان کی تبدیلی کی تباہ کاریوں سے بچانے کے لیے حقیقی تبدیلی کی ضرورت ہے۔