لاہور (نوائے وقت رپورٹ) پاکستان پیپلزپارٹی کے چیئرمین بلاول بھٹو زرداری نے لاہور میں زخمی ہونے والے مسلم لیگ (ن) کے رکن پنجاب اسمبلی بلال یاسین کو ٹیلیفون کیا۔ بلال یاسین کے مطابق ٹیلیفونک رابطے میں بلاول نے خیریت دریافت کی اور حملے کی مذمت بھی کی۔  ان کا کہنا تھاکہ ہسپتال میں اسلم گل نے بھی عیادت کی۔ بلال یاسین کے مطابق بیگم نصرت شہباز اور سلمان شہباز نے بھی فون پر خیریت دریافت کی۔ بلاول بھٹو زرداری نے احسن رضوی کے ہاتھ گلدستہ بھی بھجوایا، ملک ندیم کامران اور افضل کھوکھر میوہسپتال پہنچے۔ مسلم لیگ ن کے دونوں رہنمائوں نے بلال یاسین کی عیادت کی۔