آسٹریلیا کے سابق فاسٹ بولر گلین میک گرا بھی  کورونا وائرس کا شکار

سڈنی (آئی این پی)آسٹریلیا کے اسپیڈ اسٹار سابق فاسٹ بولر گلین میک گرا بھی عالمی وبا کورونا وائرس کا شکار ہو گئے ہیں۔آسٹریلوی میڈیا کے مطابق گلین میک گراکا ایشیز ٹیسٹ کیلئے پی سی آر ٹیسٹ ہوا تھا، جس میں ان کا کورونا مثبت آیا ہے۔میڈیا رپورٹس کے مطابق ایشیز سیریز کے سڈنی ٹیسٹ میں میک گرا نے کینسر فائونڈیشن کیلئے فنڈ ریزنگ کیلئے آنا تھا اس حوالے سے میک گرا فائونڈیشن کا کہنا ہے کہ میچ کے تیسرے دن پنک ڈے پر میک گرا کی گرائونڈ آمد متوقع تھی۔خیا ل رہے کہ آسٹریلوی سابق فاسٹ بولر گلین میک گرا کی اہلیہ کینسر کے باعث چل بسیں تھی۔گلین میک گرا نے 14سالہ ٹیسٹ کیرئیر میں 124 میچز کھیل کر 563 وکٹیں حاصل کی تھیں۔